اسلام آباد ۔ 11 جون (اے پی پی) بنجائی وزیر اطلاعات ،نشریات کانود،انصاف و پارلیمانی امور بیرسٹر سید علی ظفر پارینے کہ نگران حکومت غیر جانبدار مرساتینا آئینی زمواری تے پورو کرسا کیک ،نن ہچ وڑنا “بلیم گیم” اسے ٹی تینے بٹپنہ ،بجلی ناپیداوار ،طلب ورسد نا حالیت آتون اوار غٹ معاملہ غاتیاحق ءِ قوم انا مون آ تخنہ ، امن اٹ گچین کاری تے کن الیکشن کمیشن نادرخواست آحساس وحسا س انگا پولنگ اسٹیشن آتے کن کانود نافذ کروک آ ادارہ غاتا خذمت ءِ دوئی کننگک ،نگران حکومت شفاف، غیر جانبدارانہ و بروخت گچین کاری تیکن الیکشن کمیشن ءِ ہروڑآسراتی و کمک فراوان کیک ،فاٹا علمدرآمد کمیٹی فاٹا ناکے پی کے ٹی ضم کننگ نا بابت معاملہ غاتیا تینا کاریم ءِ زوت پورو کیک ،اگر کس اسے ناغاو ارے تو نگران حکومت تون ہیت کے ہرمعاملہ غا برانز کننگ آئینی ءُ حق اسے ،نگران حکومت برانز اٹ ہچ ءُ اڑاند اس شاغپک ،آئین نارداٹ ننا زمواری ءِ کہ نن تینادودوربیدگ ،قومی میرات نا نئے بیرہ رکھ ءِ المی جوڑ کین بلکن اونا ترویج کن ہم گام گیج چست کین ۔ او دوشنبے نادے آلوک ورثہ ٹی عظیم اقبال ناخطاطی نافن پارہ غاتا نمائش نا بنائی دود آن تران صحافی تتون ہیت وگپ کریکہ ۔عظیم اقبال ناخطاطی نافن پارہ غاتا نمائش 14جون اسکان برجاسلک ۔ بنائی دود اٹی ایگزیکٹو ڈائریکٹر لوک ورثہ شاہیرہ شاہد ،ایم ڈی ’’اے پی پی‘‘ مسعود ملک ،وزارت اطلاعات و نشریات ناآفیسر سردار عبدالواحد،چندی ملک آتا سفیر ،ملک انا پنی خطاط و آرٹسٹ آتا بھلو کچ اس ساڑی ئسر۔
