اسلام آباد ۔ 11 جون (اے پی پی) صدر آزاد جموں وکشمیر سردار مسعود خان پارینے کہ جہانی جھیڑہ و دشمن داری تا امن اٹ ایسری کن دنیا نا چندی تہذیب آتا نیام اٹ اسیجائی و اختلاف آتے پہہ مننگ ومذہب آتا نیام اٹ ڈائیلاگ بھاز المی ءِ و دانا بے پناہ ءُ اہمیت اسے ۔ صدر آزادکشمیر داخیال آتا درشانی ءِ پروفیسر ڈاکٹر اکبر احمد تون ہیت وگپ کرسا کرے ۔ پروفیسر ڈاکٹر اکبر احمد واشنگٹن یونیورسٹی نا شعبہ جہانی سروس اسکول ناابن خلدون چیئر آف اسلامک سٹڈیز نا سروک وبرطانیہ ٹی پاکستان نامسکوہی ہائی کمشنر ہم مسنے ۔ ڈاکٹر اکبر احمد تینا ساڑی ٹی نوشتہ کروک آ کتاب ’’یورپ ناسفر‘‘ ءِ صدر آزادکشمیر ءِ پیش کرے ۔ صدر آزادکشمیر پروفیسر اکبر نا داکوشست آتے خراج تحسین پیش کرے ہرادے او چندی مذہب آتا پیروکارآتا نیام اٹ تین پہ تینی مفاہمت و یگانگت ءِ سوگو کرفنگ کن سرانجام تننگ ءِ ،داڑآن خاص کر اسلامی دنیا و دیکی نا نیام اٹ فکری خلیج ءِ کم کننگ اٹ کمک رسینگک و اوفتا نیام اٹ مُریک کم مریرہ ۔گدرینگوک آ سال صدر مسعود خان ءِ امریکن یونیورسٹی واشنگٹن اٹی سلہ خلنگاسس ، ہراڑے پروفیسر ڈاکٹر اکبر اودے بخیر کریسس تینا مسکوہی جاست وپاستی تصنیف بعنوان ’’امریکہ ٹی مسلمان‘‘ وThe thistle and the Drogs ‘‘ءِ پیش کریسس ۔ تینا کتاب اٹی ڈاکٹر اکبر احمد دا سوچ و عقیدے ءِ رد کرینے کہ دہشت گردی آ جاری جنگ اصل اٹ مسلمان تا قبائلی راج آتا برخلاف جنگ ءِ ۔ پروفیسر اکبر ناساڑی آکتاب ’’یورپ ناسفر‘‘ اونا چارمیکو تصنیف ءِ ہراٹی او امیگریشن ، اسلام آن خوف، داویل آتا ایسری کن ہم تجویز پیش کرینے ۔ صدر آزادکشمیر پروفیسراکبر احمد نا جتا مذہب و دودوربیدگ آتا نیام اٹ خلیج ءِ پر کننگ کن کروک آ کوشست آتا ستاءِ کرے ۔اوپارے کہ ہراتم ہیت مسلم دنیا نا ایسر نا چاری معاملہ غاتا مریک تو دنیا ناخفک بند مریرہ ۔ شام، فلسطین وکشمیر نا ویل آتیا غٹ چُپ تماشائی ءُ ۔
