اسلام آباد ۔ 11 جون (اے پی پی) الیکشن کمیشن ءَ دوشمبے ءَ سیکرٹری بابر یعقوب فتح محمدءِ سروکی ءَ لس گچینکاری 2018ءِ تہ درملکی مبصرین ءِ ھوالہ ءَ چہ ھاسیں پیسلہ کنگ بوتگ انت،دیوان ءِ تہ ڈنی کارگِس ،تہی کارگِس،ایف بی آر ءُُ سیکیورٹی ادارگہانی نماھندگاں بہرزوراتگ۔اے درگت ءَ الیکشن کمیشن ءِ نیمگا چہ آوکیں گچینکاری 2018ءِ مانیٹرنگ ءِ ھاترا درملکی مبصرءَ را وش اتک کنگ بوتگ۔دراھیں ادارگ ءَ را پنت دیگ بوتگ کہ ملکی کانود ءِ ردا دراھیں درملکی نماھندگ آنی ویزہ ءِ کار دم پہ ساعت ءَ سرجم کنگ بیت تنکہ درملکی جھگیر وھد ءَ پاکستان ءَ سر بنت ۔اے درگت ءَ دراھیں ادارگہاں را شؤر ءُُ صلہ ءَ گوں درملکی مبصرانی ویزہ ءِ وھد 4ءَ چہ 6ھپتگ ایر کنگ بوتگ۔اے ساعت ءَ مبصر پولنگ سٹیشنز ءِ سرا گچینکاری کار ،بیلٹ پیپرز ءِ ھساب ءُُ کتاب ءِ کار ءُُ آسر انی جم کنگ ءِ چار ءُُ ٹپاس کت کن انت۔درملکی مبصرانی ھاترا راھبندانی ءِ تیاری گڈی بہر ءَ انت ہمہ کہ لہتیں روچاں سرجم بنت۔(ن۔ا۔ج)
