اسلام آباد ۔ 11 جون (اے پی پی) بنجاہی بن شہر اسلام آباد ءُُ راولپنڈی ءِ ھاترا مسلم لیگ (ن) ءِ نیمگا چہ ٹکٹانی الاٹ کنگ ءِ رد تنیگہ مھتلی ءِ آماچ انت،امیت ءِ درشان کنگ بوھگ انت کہ گل آوکیں لہتیں روچاں امیت وارانی نام ءَ را گڈی دروشم دات۔بنجاہی بن شہر اسلام آباد ءِ سئے نشست این اے 52، 53، 54ءِ ھاترا مسلم لیگ (ن)ءِ پیسریگیں باسک بنجاہی اسمبلی ڈاکٹر طارق فضل چوہدری، انجم عقیل خان مھکمیں امیت وار زانگ بوھگ انت۔ ڈاکٹر فضل طارق چوہدریءَ این اے 52 ءُُ 53 ءِ حلقہ ءَ چہ نام گپتی کاگدجم کنائینتگ انت وھدیکہ انجم عقیل خانءَ این اے 54، این اے 52ءُُ این اے 53 ءَ چہ بیرسٹر ظفر اللہ ءَ ھم نام گپتی کاگد جم کنائینتگ انت۔ مری ءِ حلقہ چہ پیسریگیں مزن وزیر شاہد خاقان عباسی ،راولپنڈی کینٹ ءَ چہ پیسریگیں باسک بنجاہی اسمبلی ملک ابرار احمد ،این اے 62ءَ چہ ڈاکٹر جمال ناصر ،پیسریگیں باسک بنجاہی اسمبلی حاجی پرویز خان ءُُ ملک شکیل اعوان ءَ نام گپتی کاگد جم کنائینتگ انت۔چوہدری نثار علی خا نءِ گلے ٹکٹ ءِ معاملہ انوں دونیمگی بیان بازی ءِ سبب ءَ نوں باز مشکل بوان انت۔ چوہدری نثار علی خانءَ یک بیانے تہ گوشت کہ آں گل ءَ را ٹکٹ ءِ ھاترا دزبندی نہ دات ءُُ نواز شریف ءَ گوشت کہ اگہ ٹکٹ گرگ ءِ واھشتمند دزبندی نہ دات تو ٹکٹ الاٹ کنگ مہ بیت۔نوں چارگ بہ بیت کہ مسلم لیگ (ن) ءِ نیمگا چہ اگہ چوہدری نثار علی خان ءَ دو حلقہ آنی جیڈھ حل نہ بوتگ تو گل نام گپتی امیت وارکئےءَ را دیما کارایت۔ سینیٹر چوہدری تنویر خانءِ بچک بریسٹر دانیال چوہدری ءُُ محمد حنیف عباسیءَ ھم نام گپتی کاگدجم کنائینتگ انت، گل ءِ نیمگا چہ ٹکٹ ءِ پیسلہ کسے ءِ حق ءَ کئیت ،اے گپ پارلیمانی بورڈ ءِ نیمگا چہ گڈی لڑ دیما آھگ ءِ پدا معلوم بیت۔گلے مرکزی سیکرٹریٹ ماڈل ٹاون لاہور ءِ تہ مسلم لیگ(ن) ءِ بنجاہی پارلیمانی بورڈ ءِ دیوان ہمک روچ ءِ بنیات ءِ سرا جاڑی انت۔پیسرگیں سر وزیر ءُُ مسلم لیگ (ن) ءِ صدر محمد شہباز شریف ،حمزہ شہباز ،سردار ایاز صادق ءِ ھوار مسلم لیگ ن ءِ ھاسیں بنجاہی راھشون ھم گلے پارلیمانی بورڈ ءِ دیما پیش بوتگ انت بلے لہتیں حلقہ ءِ تہ ٹکٹانی ھاترا نامداریں مردمانی نیمگا چہ ٹکٹانی ھاترا دزبندیانی سبب ءَ گلے ٹکٹانی الاٹ کنگ مستریں جیڈھ ءِ جوڈ بوتگ۔گلے وسیلگ ءِ گوشگ انت کہ آوکیں لہتیں روچاں ٹکٹانی پیسلہ ءَ را گڈی دروشم دیگ بیت۔
