اسلام آباد ۔ 11 جون (اے پی پی)گوزوکیں مالی سال ءِ 11ماہ ءِ تہ ملکی برآمداتءَ 15.28درسد ودکی ریکارٹ کنگ بوتگ، مئیءِ ماہ ءَ برآمدات ءِ تہ گوستگیں سال ءِ اے وھد ءِ مقابلہ ءَ 32.35درسد گیشی اتکگ۔ادارہ شماریات پاکستان ءِ کچ ءُُ کساس ءِ ردا جولائی ءَ چہ مئی ءَ تاں پاکستان ءَ برآمدات ءَ چہ 21.346ڈالر ءِ زرمبادلہ منافع زرتگ ہمہ گوستگیں سال ءِ اے وھد ءِ مقابلہ ءَ 15.18درسد گیش انت،گوستگیں مالی سال ءِ اے وھدءَ برآمدات ءَ چہ 18.516ارب ڈالر ءِ امبار منافع زوراتگ اتنت۔ھساب ءُُ کتاب ءِ ردا اے وھد ءِ ساعت ءَ سرآمدات ءِ تہ 14.12درسد ودکی اتکگ۔ جولائیءَ چہ گپت داں مئی2018ءِ ساعت ءَ پاکستان ءَ درآمدات ءِ سرا55.232ملین ڈالر ءِ امبار ھرچ کتگ انت ،پیسریگیں مالی سال ءِ 11ماہ ءِ تہ پاکستان ءِ درآّمدی بل 48.398ارب ڈالر ریکارڈکنگ بوتگ ات۔کچ ءُُ کساس ءِ ردا مالی سال ءِ یازدھ ماہ ءَ پاکستانی تاوان 13.40درسد ءِ گیشی ءِ پدا 33.886ارب ڈالر ءَ تاں گیش بوتگ ات۔گوستگیں مالی سال ءِ ساعت ءَ پاکستان ءِ بیوپاری تاوان 29.882ارب ڈالر ریکارٹ کنگ بوتگ اتنت۔
