چنگ ڈاؤ ۔ 10 جون (اے پی پی)صدرمملکت ممنون حسین روس اناصدر ولادی میر پیوٹن تون داڑے چنگ ڈاؤ سروک دیوان نا وخت آ اوڑدہی کرے ۔اوڑدہی ٹی ہڑتوم آ راہشونک ہڑتوم آ کنڈآتا تین پہ تین است خواہی نا معاملہ خاص کر علاقائی وعالمی معاملہ غاتیا خیال آتا درشانی ءِ کریر ۔ ہڑتوم آ راہشونک داڑآ امنا کریر کہ پاکستان و روس انا نیام اٹ ہڑتوم آ کنڈآتا تعلقداریک سوگو مسنو وخت اس کہ واپار، توانائی، سیکورٹی ، دودوربیدگ ، تعلیم و السی کہول آ رابطہ غاک آخبت اٹ کمکاری ءِ ودفنگ کن پوسکن آ کسرتا پیدواری ءِ ہم کننگا۔ہڑتوم آ راہشونک داہیت آ امنا کریر کہ ہڑتوم آ اقوام تا نیام اٹ تین پہ تینی واپار نا بھلو وارخواہی اسے و واپاری کچ ءِ ودفنگ و معاشی تعلقداری تیٹی ودکی کن اواری اٹ کاریم کننگ آ امنا کننگا۔
