چنگ ڈاؤ۔ 10 جون (اے پی پی) صدر مملکت ممنون حسین پارینے کہ رابطہ غاتے ٹی ودکی ، اسیجائی شونہالی ، واپار و الس نا نیام اٹ رابطہ غاتیٹی ودکی نا کمک اٹ شنگھائی کمکار تنظیم نا ایجنڈانا ہدف آتے دوئی کننگ مریک و ہنداڑآن ڈیہہ ٹی پائیدار امن ، شونداری و سوگوی ءِ المی جوڑ کننگ مریک ، علاقائی شونداری و رابطہ غاتا غٹ ڈٹ آک بشمول بیلٹ اینڈ روڈ گام گیج و دانا مشعل بردار ڈٹ پاک چین اقتصادی راہداری نا است انا ھب اٹ مخ تفی ءِ بایدے کننگے ،نن اسہ ایلو نا پوریاگر تیکن ایس سی او ویزہ آسودہی درستی راستی کرفنگ نا گمان آتا جاچ ءِ بایدے ہلوئی مرے ،پاکستان اوغانستان اٹی امن و مفاہمت کن تینا کمک ءِ برجاتخک ،شنگھائی کمکارتنظیم نا غٹ قومک عصر حاضر نا جہانی چیلنج آتون مون تننگ اٹ ہم کوپہ مرسا سلرہ و پاکستان علاقائی امن و شونہالی کن تینا کڑد ءِ ادا کرسا کیک ۔ صدر مملکت داخیال آتا درشانی ءِ یک شنبے نادے آچین ناشار چنگ ڈاؤ ٹی شنگھائی کمکارتنظیم نا سروک ریاست نا کونسل نا بنائی سیشن آن تران کرسا کرے ۔
