اسلام آباد ۔ 10 جون (اے پی پی)محکمہ موسمیات ( اینو) دوشنبے نادے ملک اناگیشتر علاقہ غاتیٹی موسم باسن و پِرکپننگ نا گمان ظاہر کرینے ۔ ولے مالاکنڈ، ہزارہ، بہاولپور ڈویژن ، بڑزکوفاٹا، گلگت بلتستان وکشمیر اٹی گڑاس ہند آتیا ترند تہو و ہورہ و گروک تون پین پِرانا گمان ءِ۔ یک شنبے نادے محکمہ موسمیات ناجاری رپورٹ نارداٹ گدرینگوک آ 24 گھنٹہ ٹی پنجاب،مالاکنڈ، ہزارہ، ڈی آئی خان، ژوب،سکھر ڈویڑن، اسلام آباد وکشمیر اٹی جاگہ جاگہ غاترند تہو و ہورہ و گروک تون پِر مس وخت اس کہ ملک انا ایلو علاقہ غاتیٹی موسم بھاز باسن و پِرکتو۔ ولے غٹ آن زیات پِر پنجاب: بہاولنگر40، ٹوبہ ٹیک سنگھ 39، جھنگ35، لیہ25، ڈی جی خان، ملتان 12، قصور 10، رحیم یار خان 06، راولپنڈی، لاہور، فیصل آباد03، اسلام آباد02،کوٹ اددو، خان پور، مری، گوجرانوالہ 01، بلوچستان ژوب 15،خیبر پختو ں خوا:مالم جبہ12،سیدو شریف 09، کالام 02، دیر 01،کشمیر: مظفرآباد07، گڑھی دوپٹہ02، سندھ :جیکب آباد اٹی 01 ملی میٹر ریکارڈ کننگا ۔یک شنبے نادے ریکارڈکروک آ باسن انگا ہند آتا درجہ حرارت: تربت،51، موہنجوداڑو، دادو، لسبیلہ، رحیم یار خان اٹی 46ڈگری سینٹی گریڈ ریکارڈ کننگا ۔
