چنگ ڈاؤ ۔ 9 جون (اے پی پی) صدرمملکت ممنون حسین وچین ناصدرشی جن پنگ پاکستان وچین نانیام اٹ آزموندہ سٹریٹجک کمکاری ءِ پین سوگو جوڑ کننگ آ امنا کرینو، چین پاکستان تون تینا تعلقداری تے اہمیت ایتک، پاکستان تون تعلقداری نا اولیتی حیثیت برقرار سلک ، دہشت گردی نابرخلاف جنگ او اوغانستان و ڈیہہ ٹی امن و سوگوی کن پاکستان نا کڑد وکوشست آک ستاکڑزرہ ۔ہڑتوم آ راہشون تا نیام اٹ ہڑتوم آ کنڈآتا اوڑدہی چین ناشار چنگ ڈاؤ ٹی مس ۔ صدرمملکت ممنون حسین صدر شی جن پنگ نا سلہ غا شنگھائی کمکار تنظیم نا سروک آتا کونسل نا ہژدہ می دیوان اٹی شرکت کن چین نا دورہ غاٹی ءِ۔ اوڑدہی ٹی ہڑتوم آ راہشونک پاک چین ہڑتوم آ کنڈآتا تعلقداری و تین پہ تینی است خواہی نا علاقائی و جہانی معاملہ غاتیا سرجمی اٹ ہیت وگپ کریر۔
