اسلام آباد ۔ 9 جون (اے پی پی) پاکستان اسہ وار ولدا اقوام متحدہ غا زورشاغانے کہ سلامتی کونسل نا اول سرآن ٹہیفنگ آ شرہ سنجیدہ ءُ معاملہ اسے ،و دا معاملہ بیرہ امنائی اٹ ہی ایسر کننگ مریک ۔ سلامتی کونسل اٹی اصلاحات نا غرض اٹ پین گچین بے آخبتی باسک آتا ودکی آ پورو امنائی خننگک ۔تدوک آدے سلامتی کونسل اصلاحا ت نا بابت بین الحکومتی شرہ ٹی خیال آتا درشانی ءِ کرسا اقوام متحدہ ٹی پاکستان نا آخبتی نمائندہ ملیحہ لودھی پارے کہ سلامتی کونسل نااصلاحات بنداوی وڑاٹ اقوام متحدہ ٹی ایلو اصلاحاتی عمل آن جتا ءِ ،داڑتون باسک ملک آتا اسٹریٹجک فائدہ غاک وابستہ مریرہ ۔اصلاحاتی عمل داہیت آ زور شاغک کہ غٹ باسک ملک آتا خیال و فائدہ غاتے مون آ تخا و دافتا شرف ءِ کننگے ۔
