اسلام آباد ۔09 جون (اے پی پی)پاک بحریہ ءِ سی کنگ ہیلی کاپٹرزءَ کراچیءَ چہ 230 کلومیٹر دیر پچیں تیاب ءَ ریسکیو آپریشن ءِ ساعت ءَ ایرانی یکدار ءِ کارندھ ءِ یازدھ مردم ڈوبگ ءَ چہ رکھ اتگ انت ءُُ طبی آسراتی ھم پھجاراتگ۔ربالکار پاک بحریہ ءِ نیمگا چہ ہپتگ ءَ جاڑی بیان ءِ ردا الرحمانی نامی ایرانی یک دار ءِ تیاب ءِ تہ ڈوبگ ءَ چہ کارندھ ءِ یازدھ مردم سکیں جنجال انی آما چ بوتگ انت ۔پاک بحریہ ءَ یک دار ڈوبگ ءِ حال سر بوھگ ءَ ڈم پہ ساعت ءَ ریسکیو آپریشن بناء کت۔ربالکار پاک بحریہ ءَ سرپد کت کہ ریسکیو آپریشن ءِ تہ پاک بحریہ ءِ گراب پی این ایس نصر ءُُ 02سی کنگ ہیلی کاپٹر ءَ بہر زوراتگ۔نگیگیں جاورھال ءِ ابید پاک بحریہ ءِ ریسکیو ٹیم ءَ شریں وڈ ءَ آپریشن سرجم کتگ۔ربالکار پاک بحریہ ءِ گوشگ ءِ ردا یک کلاک ءُُ نیم ءَ داں جاڑی ریکسیو آپریشن ءِ ساعت ءَ کارندہ ءَ ریسکیو کنان ءَ پاکستان نیوی ایئربیس کراچی ءَ سر کنگ بوتگ ءُُ ایرانی کشتی ءِ کارندھ ءَ وتن ءَ واتر دیم دیگ ھاترا پاکستان میری ٹائم سیکیورٹی ایجنسی ءِ ھوالہ کنگ بوتگ انت۔
