اسلام آباد ۔ 7 جون (اے پی پی) صدر مملکت ممنون حسین پارینے کہ تعلیم تون اوار اوار گوازی تا مون آ دننگ جان جوڑ راج انا جوڑ کننگ کن بے کچ المی ءِ ۔او داہیت ءِ پنچ شنبے نادے سٹریٹ چائلڈ فٹ بال ورلڈ کپ اٹی ارٹ میکو پوزیشن ہلوک آ پاکستانی ٹیم ومسلم ہینڈز انا عہدیدار آتون ایوان صدر اٹ اوڑدہی ٹی پارے۔ صدرمملکت پارے کہ سٹریٹ چائلڈ فٹ بال ورلڈ کپ اٹی شاندار کارکڑد نشان ترسا داچناک مچ آ دنیا ٹی پاکستان نا پن ءِ روشن کرینو۔ او اومیت نا درشانی ءِ کرے کہ پین وخت اس ہم دا چرجوئی سرسہبی اتون برجاسلک ۔ او ورناگوازی گر آتے پنت و شون کرسا پارے کہ اوہراتم کہ میدان اٹ دڑنگر کٹنگ و وطن نا پن ءِ بڑز کننگ نا جوزہ ءِ است اٹ تخر۔ صدر مملکت پارے کہ تعلیم و جان جوڑی نا وارخواہی تا دوئی کننگ آ ہر چنانا حق ءِ ، ہرا بندغ آک و ادارہ غاک دامسخت کن کاریم کننگ ءُ اوفک مبارکباد نا حقدار ءُ۔ داوخت آصدر مملکت شاندار کارکڑد نشان تننگ آغٹ گوازی گرآتے نغد انعام ہم تس۔
