اسلام آباد ۔ 7 جون (اے پی پی) الیکشن کمیشن پروفیسر حسن عسکری رضوی ءِ نگران وزیراعلیٰ پنجاپ پن کرے ۔ پنجاپ حکومت واپوزیشن نا نیام اٹ امنا مفننگ نا سوب دا معاملہ پارلیمانی کمیٹی ٹی ہناسس و ہموڑے ہم فیصلہ مفننگ آ دا معاملہءِ الیکشن کمیشن آ گدریفنگاسس ۔ پنجاپ حکومت مسکوہی نیول چیف ایڈمرل(ر) ذکا ء اللہ وجسٹس ریٹائرڈ سائر علی وخت اس کہ پی ٹی آئی حسن عسکری وایاز امیر نا پن تیا سلاہ کریسر ۔ ہرافتیان الیکشن کمشن پنچ شنبے نادے مروک آ دیوان اٹی حسن عسکری نا تقرر کرینے ۔دیوان چیف الیکشن کمشنرجسٹس (ر) سرداررضا کماشی ٹی اڈ ہلک ہراٹی الیکشن کمیشن نا ہرچار آباسک آک ساڑی ئسر۔الیکشن کمیشن دیوان اٹی تین پہ تینی سلابت آن پروفیسرحسن عسکری ءِ نگران وزیر اعلی پنجاپ پن کرے ۔پروفیسرحسن عسکری 1980 ٹی یونیورسٹی آف پنسلوانیا آن پی ایچ ڈی کرے ۔ اودے 23 مارچ 2010 آ ستارہ امتیاز تننگاسس۔
