اسلام آباد ۔ 7 جون (اے پی پی) ملک اٹی پرائمری آن ہلیس پوسٹ ڈاکٹریٹ اسکان بڑزکو تعلیم نا مون آ دننگ کن پوسکن آ بنجائی میزانیہ ٹی 46 ارب67کروڑ روپئی جتا کننگانے ۔ مالی سال 2017-18 ٹی سرکاری بشخ انا شونداری پروگرام نا دامد اٹی 35 ارب روپئی جتا کننگانے وخت اس کہ مالی سال 2016-17ء ٹی بڑزکو تعلیم نا مون آ دننگ کن 21 ارب روپئی جتا کننگاسس ۔ بڑزکو تعلیم نا مون آ دننگ کن ڈٹ بندی ، شونداری و اصلاحات ہائر ایجوکیشن کمیشن ءِ سٹرٹیجک فریم ورک 2025ء نا تیاری نا پارت مست آن جاری کرینے ۔ دافریم ورک ملک اٹی بڑزکو تعلیم نا آب ءِ مچ آ دنیا ٹی بڑزکو تعلیم نا بدلینگوک آ رجحان آتارداٹ اتنگ اٹ کمکار جوڑ مریک ۔ داکان بیدس دا فریم ورک آخبت کن بڑزکو تعلیم ناسمت و مزل نا تعین ءِ کیک و بڑزکو تعلیم کن پنچ سالہ تعلیمی ڈٹ و گونڈ وختی ڈٹ آتے کن راہشونی کیک ، ساڑی آ حکومت چار سال اٹی بڑزکو تعلیم نا بجٹ ءِ دوگناکرینے ۔ کمامدارآتارداٹ اسہ کنڈپاک چین اقتصادی راہداری نا رداٹ تعلیم خاص کر تکنیکی مہارت نا ڈٹ آک اوار ءُ وخت اس کہ ایلو کنڈ امریکہ تون تعلیمی راہداری (نالج کوریڈور) اس جوڑ کننگانے ہرانا رداٹ 10ہزار پی ایچ ڈی سکالرز تیارکننگک ۔
