اسلام آباد ۔ 7 جون (اے پی پی) محکمہ موسمیات بروک آ اسہ اِرا دے اٹی ملک انا گیشتر نیامی و سویلی علاقہ غاتا بھاز باسنی نا پلویڑ اٹی سلنگ وسندھ انا تہہ ٹی ، سویلی و نیامی پنجاپ و دے ٹکی بلوچستان اٹی درجہ حرارت50 ڈگری سینٹی گریڈ اسکان ودنگ نا پیش گوئی کرینے ۔رپورٹ نارداٹ بروک آ بیست ءُ چار گھنٹہ ٹی ملک انا گیشتر علاقہ غاتے ٹی موسم بھاز باسن و پِرکپک ولے کشمیر واوڑتون ایب وکیب مشی آ علاقہ غاتیٹی گڑاس ہند آتیا ترند تہو و ہورہ و گروک تون پِر انا گمان ءِ وخت اس کہ (اینو) جمعہ نادے ملک انا گیشتر علاقہ غاتیٹی موسم بھاز باسن و پِرکپک وخت اس کہ گوجرانوالہ ڈویژن، کشمیر واوڑتون ایب و کیب مشی آ علاقہ غاتیٹی گڑاس ہند آتیا ترند تہو و ہورہ و گروک تون پِر انا گمان ءِ ۔ گدرینگوک آ24 گھنٹہ ٹی ملک انا گیشتر علاقہ غاتیٹی موسم بھاز باسن و پِر کتنے و اسلام آباد، بڑزکو پنجاپ ، بڑزکو خیبرپختونخوا و کشمیر اٹی گڑاس ہند آتیا ترند تہو و ہورہ و گروک تون پِر مسنے ۔
