اسلام آباد ۔ 6 جون (اے پی پی) نگران بنجائی کابینہ 6 درسد نا شرح نمو آ است جمی نا درشانی ءِ کرسا ادائیگی تیٹی توازن ، مالی و وام تا پائیداریت و سرکاری ادارہ غاتا گچین انتظام و انصرام کن عبوری کابینہ نا مینڈیٹ نا رداٹ تحت دمدستی گام گیج چست کننگ نا گرج آ زورشاغانے ۔ نگران وزیر اعظم جسٹس (ر) ناصر الملک نا کماشی ٹی عبوری بنجائی کابینہ نا دیوان چارشنبے نادے وزیر اعظم آفس اٹی اڈ ہلک ۔ سیکرٹری داخلہ کابینہ ءِ بنجائی وزارت داخلہ و اوڑتون گنڈوک محکمہ غاتا کارکڑد نا بارواٹ سرجم احوال تس ۔ او ملک اٹی داخلی سلامتی و امن و ایمنی ءِ المی جوڑ کننگ کن چست کروک آ کانودی و انتظامی پالیسی گام گیج آتا بارواٹ کابینہ ءِ معلومدار کرے ۔ سیکرٹری داخلہ بنجائی کابینہ ءِ آزادانہ، منصفانہ ، غیر جانبدارانہ و پر امن گچین کاری تا اڈ تننگ ءِ المی جوڑ کننگ کن الیکشن کمیشن نا کمکاری نا رداٹ وزارت داخلہ نا گام گیج آتا بارواٹ ہم پارے۔ وزیر خزانہ و اقتصادی امور ڈاکٹر شمشاد اختر ملکی معیشت و چندی اقتصادی ٹک آتا بارواٹ جاچ پیش کرے۔ بنجائی کابینہ 6 درسد نا شرح نمو آ است جمی نا درشانی ءِ کرے وادائیگی تیٹی توازن مالی و وام تا پائیداریت و سرکاری ادارہ غاتا گچین انتظام و انصرام کن نگران کابینہ نا مینڈیٹ نا رداٹ دمدستی گام گیج چست کننگ نا گرج آ زور شاغا۔ نگران وزیر اعظم جسٹس (ر) ناصر الملک خزانہ ڈویژن ءِ بروک آ گچین حکومت کن دمدستی گام گیج و داڑتون اوار اوار مریس وختی ڈھانچہ جاتی اصلاحاتی پیکج آ تالان بلوپرنٹ آمبنی حکمت عملی اس وضع کننگ نا پارت ہم کرے ۔
