اسلام آباد ۔ 06 جون (اے پی پی) بلوچستان وپنجاب نانگران وزیراعلیٰ تا تقرر کن الیکشن کمیشن نا دیوان (اینو) پنچ شنبے نادے یا (پگہ) جمعہ نادے آ مریک ۔ چارشنبے نادے پنجاپ نا نگران وزیراعلیٰ کن پارلیمانی کمیٹی ٹی امنائی مفننگ آن پد دا معاملہ ءِ اسپیکر آ گدریفنگاہراداسہ الیکشن کمیشن ءِ نگران وزیراعلیٰ نا تقرر کن حکومت واپوزیشن ناکنڈآن تروک آ چار پن راہی کینہ ہرافتیان الیکشن کمیشن نگران وزیراعلیٰ نا تقرر ءِ کیک۔ داڑتون اوار اوار بلوچستان اسمبلی ٹی ہم پارلیمانی کمیٹی ٹی نگران وزیراعلیٰ کن فیصلہ مننگ کتو وخت اس کہ حکومتی کمیٹی باسک آک کمیٹی دیوان نا ہی بائیکاٹ ءِ کریر اوکان پد اسپیکر آ معاملہ ہنا ہرا الیکشن کمیشن ءِ چھٹی اس راہی کیک ہراٹی حکومت واپوزیشن ناکنڈآن تروک آ شش پن تیان نگران وزیراعلیٰ نا تتقرر ءِ کننگک ۔ الیکشن کمیشن کانود نا رداٹ جمعہ اسکان ہڑتوم آ صوبہ غاتا نگران وزیراعلیٰ تا تقرر ءِ کروئی ءِ۔
