ادارکی ھزانگ وزیر، ریونیو، اقتصادی امور، شماریات ءُُ منصوبہ بندی ڈاکٹر شمشاد اختر ءِ ایف بی آرءَ را کڈنی

ٹیکس اہدافءِ زورگ ءِ ھاترا دراھیں کوشست کنگ بنت
لہتیں ایمنسٹی سکیم ءُُ ٹیکس ری بیٹءِ مچ ٹیکس ءِ اہداف ءِ سرا اثرات ءِ باروا رپورٹ لوٹ اتگ
اسلام آباد ۔ 6 جون (اے پی پی) ادارکی ھزانگ وزیر ، ریونیو، اقتصادی امور، شماریات ءُُ منصوبہ بندی ڈاکٹر شمشاد اخترءَ جی ڈی پی ءِ تہ ٹیکس ءِ شرح ءَ گیش کنگ ءُُ ٹیکنالوجی ءَ را کارمرز کنان ءَ ٹیکس نظام ءِ اپ گریڈیشن ءِ ضلورت ءِ سرا زور مان کنان ءَ ایف بی آر ءَ پنت دات کہ گوزوکیں مالی سال ءِ ٹیکس اہداف ءِ زورگ ءِ ھاترا دراھیں کوشست کارمرز کنگ بنت۔آں چار شمبے ءَ گوزوکیں مالی سال 2017-18ءِ ھاترا فیڈرل بورڈ آف ریوینوءِ کارکردگی ءِ چار ءُُ ٹپاس ءِ ہمگرنچ دیوان ءِ سروکی ءَ کنگ اتنت۔ چیئرمین ایف بی آر طارق محمود پاشاءَ آہاں را نوکیں ذمہ واری سمبھالگ ءِ سرا مرادباتی داتگ ءُُ ایف بی آر ءِ نیمگا چہ ٹیکس وصولیانی ءُُ ٹیکس دیوکان آسراتی پھجارگ ءِ ھوالہ ءَ چہ ہمگرنچ گامگیج ءِ باروا سرپدی داتگ۔ چیئرمین ایف بی آرءَ سرپد کت کہ جی ڈی پیءِ تہ ٹیکس ءِ شرح ہمہ کہ 2012-13ءِ تہ 8.7درسد ات نوں گیش بواناں 2017-18ءِ تہ 12.4درسد بوتگ۔اے وڈ ءَ گوشوارہ جم کنوکانی کساس 14لکھ ءَ سر بوتگ وھدیکہ 300ارب کلدار ءِ ایس آر اوز ھلاس کنگ بوتگ انت۔آہاں ٹیکس دیوکانی آسراتی ءُُ ریفنڈ ز ءِ رد ءَ کتگیں گامگیج ءَ چہ ھم سرپد کتگ۔ھزانگ وزیر ءَ ملک ءِ مچ ءِ اقتصادی جاورھال ءُُ ایف بی آر ءِ ارزشت ءِ سرا گپ ءُُ تران کتگ۔آہاں گوشت کہ ملک ءِ تہ دیمروئی منصوبگانی ھاترا مالی ضلورت پیلو کنگ ءِ ھاترا جی ڈی پی ءِ تہ ٹیکس ءِ شرح ءَ گیش کنگ الم انت۔آہاں گوشت کہ ایف بی آر ءِ چیئرمین ءَ چہ گوستگیں حکومت ءِ نیمگا چہ لہتیں ایمنسٹی اسیکم ءُُ ٹیکس ری بیٹ ءِ مچ ٹیکس ءِ اہداف ءِ سرا اثرات ءِ باروا رپورٹ لوٹ اتگ۔اے درگت ءَ ھزانگ وزارت ءُُ ایف بی آر ءِ ٹوھیں واکدار ھم ساڑی اتنت۔