اسلام آباد ۔ 6 جون (اے پی پی) محکمہ موسمیات پنجاپ و بڑزکو سندھ اٹی سخت باسنی نا پیشگوئی ءِ کرسا پارینے کہ بروک آ 2آن 3 دے اٹی ملک انا گیشتر علاقہ سخت باسنی نا پلویڑ اٹی مریرہ ۔ پنجاپ نا نیم مشی آعلاقہ، خیبرپختونخوا وکشمیر اٹی درجہ حرارت 40 ڈگری سینٹی گریڈ آن زیات وخت اس کہ سندھ اٹی ، سویلی و نیامی پنجاپ و دے ٹکی بلوچستان اٹی درجہ حرارت50 ڈگری سینٹی گریڈ اسکان ودنگ نا گمان ءِ ۔ رپورٹ نا رداٹ بروک آ بیست ءُ چار گھنٹہ ٹی ملک انا گیشتر علاقہ غاتیٹی موسم سخت باسن و پِر کپک ۔گدرینگوک آ 24 گھنٹہ ٹی ملک انا گیشتر علاقہ غاتیٹی موسم سخت باسن و پِر کتو ولے اسلام آباد، بڑزکو پنجاپ ، بڑزکو خیبرپختونخوا و کشمیر اٹی گڑاس ہند آتیا ترند تہو و ہورہ و گروک تون پِر مسنے ۔
