اسلام آباد ۔ 6 جون (اے پی پی) چیف ایگزیکٹو آفیسر پورٹ قاسم پاور پلانٹ کائی بن پارینے کہ پورٹ قاسم اٹی جوڑ کروک کولاآن بجلی ودی کننگ نا ڈٹ آتیان علاقہ ٹی چاگڑد آ ہچ وڑنا منفی زہم اس تمنگ اف۔ اسہ انٹرویو سے ٹی او پارے کہ ہڑتوم آ بجلی گھرآتیان چاگڑد ءِ نسخان تروک ءُ ہچ ءُ گیس اس پیش تمنگ اف۔ اوپارے کہ پورٹ قاسم اٹی جوڑ کروک اسہ بجلی گھر آن 2017ء و ایلوڑآن ہندا سال پیداوار بناء کرینے و داڈٹ پوسکن آ ٹیکنالوجی نا کاریم اٹ اتنگ نا سوب چاگڑد دوست ءِ۔اوپارے کہ پورٹ قاسم اٹی بجلی گھر تا جوڑ جاڑ نا بناء 2015ء ٹی بناء کریسس و اولیکو یونٹ آن نومبر2017ء آن وخت اس کہ ایلوڑآن جنوری 2018ء آن پیدوار بناء کرے ۔اوپارے کہ 101 ہندی بندغ آتے تربیت کن چین آ گدریفنگاسس ہرا بندغ آک تربیت ءِ پورو کرسا پدی بسنو او داسہ داڑے ملازمت کننگ ءُ ۔
