سی پیک آن ملک اٹی شونداری و شونہالی نا اسہ پوسکن ءُ دور اس بناء کیک

اسلام آباد ۔ 6 جون (اے پی پی) چین پاکستان اقتصادی راہداری ڈٹ آن ملک اٹی شونداری و شونہالی نا اسہ پوسکن ءُ دور اس بناء کیک ا ، پاک چین اقتصادی راہداری ٹی گلگت بلتستان ءِ گیٹ وے مننگ نا اعزاز تروک ءِ ،راجی وانسانی شونداری نا ڈٹ، ، دیر ،توانائی وخور انا بشخ آتیٹی زرکاری آن الس نا زند اٹی گچینی بریک ۔سی پیک سیکرٹریٹ کمامدارآک اے پی پی ءِ پاریرکہ گلگت بلتستان دنیا نا عظیم انگا مشی آ چرجوئی قراقرم، ہمالیہ و ہندوکش نا سنگم آٹی ءِ ۔ جغرافیائی وڑاٹ گلگت بلتستان ءِ بھاز اہمیت ارے ۔ دنیا کی ارٹ میکو بھلا ٹل k۔2 تون اوار ہفت ءُ نیم ہزار میڑ آن بڑز 12 ٹل گلگت بلتستان اٹی اریر۔ گلگت بلتستان نا کل رقبہ 72 ہزار مربع کلومیڑءِ و اونا 10 ضلع ءُ ۔ گلگت بلتستان نا ساز و زیمل وروایتی رقص و میلہ علاقہ نا زیبائی ءِ پین زیبا کیک ۔ گلگت بلتستان اٹی دیر انا بھلو کوڑی اس ساڑی ارے ہندا سوب ءِ کہ دا علاقہ ٹی دیامر بھاشا و داسو ڈیم آتون اوار چندی آبی کوڑی تے جوڑ جاڑ کننگ انگ ءِ ۔اوفک پاریر کہ متکن آ شاہراہِ ریشم و ساڑی آ قراقرم ہائے وے پاک چین سنگتی نا نشانی ءِ ، دا شاہراہ داسہ چین پاکستان اقتصادی راہداری نا بشخ جوڑ مسنے ۔ سی پیک ناردارٹ گلگت بلتستان اٹی شاہراہ ، بجلی گھر،اقتصادی زون و ایلو ڈٹ آتیا کاریم ترندی اٹ برجاءِ ۔اوفک پاریر کہ گلگت بلتستان نا زیات تر خلقت کشت وکشار ، گلہ بانی، معدنیات اور سیل و سوات نا بشخ آتون وابستہ ءُ ۔داڈیہہ قدرتی زیبائی تون اوار اوار سوف، اخروٹ، خوبانی، بادام، شہتوت اور انگور تون اوار ایلو ہنین آ میوہ غاتا بابت بھاز بھلو پن اس تخک۔ داڈٹ آن گلگت بلتستان واپار و اقتصادی سرجزو آتا بنجااس جوڑ مریک ۔