اسلام آباد ۔ 6 جون (اے پی پی) چین پاکستان اقتصادی راہداری (سی پیک ) ڈٹ آن پاکستان اٹی چین نا کمک آن صعنتی انقلاب اس بریک ، دا مرحلہ ٹی ملک انا ہر چار آ صوبہ ‘ گلگت بلتستان ‘ فاٹا اور آزاد کشمیر اٹی 9 صنعتی زون جوڑ کننگک ۔ پاک چین صنعتی کمکاری نا رداٹ صوبہ غاتا کنڈآن گچین 9 زون تیا ترندی اٹ کاریم برجاءِ ۔ سی پیک سیکرٹریٹ کمامدارآتارداٹ خیبر پختونخوا ٹی رشکئی اکنامک زون وسندھ اٹی چائنہ اکنامک زون داریجی، بلوچستان اٹی بوستان اکنامک زون وپنجاب اٹی چائنہ اکنامک زون شیخوپورہ، گلگت بلتستان اٹی مقپونداس گلگت وخت اس کہ کشمیر اٹی بھمبر صنعتی زون آ ترندی اٹ کاریم مننگ ءِ ۔ اوپاریر کہ دارلحکومت اسلام آباد اٹی آئی سی ٹی ماڈل انڈسٹریل زون وپورٹ قاسم اٹی پاکستان سٹیل میل انا ڈغار آ انڈسٹریل پارک اس جوڑ کننگ وخت اس کہ فاٹا نا کنڈآن مومند ماربل انڈسٹریل زون جوڑ کننگک ۔ اوپاریر کہ چین نا زرکار سٹیل، سیمنٹ، توانائی، ٹیکسٹائل وآٹو سیکٹر نا بشخ اٹی است خواہی ہلنگ ءُ۔ اوپاریر کہ گوادر فری زون و پورٹ ڈیویلپمنٹ نا چندی ڈٹ وگوادر ووکیشنل انسٹی ٹیوٹ کے جوڑ جاڑی کاریم ءِ پین ترند کننگ نا فیصلہ کننگانے ۔اوپاریر کہ گوادر فری زون اٹی زرکاری نا چرجوئی بناء کرینے ہراڑے سٹیل ، پٹروکیمیکلز و ایلو صنعت آتا جوڑ کننگ آ کاریم بناء کرینے ۔
