اسلام آباد۔ 05جون (اے پی پی) نگران وزیراعظم جسٹس (ر) ناصر الملک تون پاکستان اٹی چین نا سفیر یاؤسنگ سے شنبے نادے داڑے پرائم منسٹر آفس اٹی اوڑدہی کرے۔ چینی سفیر نگران وزیراعظم ءِ چین نا وزیراعظم نا کنڈآن وزارت عظمیٰ نا عہدہ ءِ سنبھالنگ آ مبارکبادی تس۔ اوپاکستان و چین نا نیام اٹ سوگو برادرانہ تعلقداری نا عزم انا اعادہ کرے و پارے کہ چین تین پہ تینی است خواہی نا معاملہ و جہانی معاملہ غاتیا پاکستان نا شانہ بشانہ سلوک ءِ۔ وزیراعظم چینی سفیر نا منت واری ءِ ہرفے و پاکستانی الس و حکومت نا کنڈآن چین نا صدر وزیراعظم و چینی الس کن نیک است خواہی تا درشانی ءِ کرے۔
