اسلام آباد۔ 05جون (اے پی پی) نگران بنجائی وزیر آتے اوفتا محکمہ غاتا قلمدان تننگانے۔ کابینہ ڈویژن نا کنڈآن جاری نوٹیفکیشن نا رداٹ صدر مملکت ممنون حسین نگران وزیراعظم جسٹس (ر) ناصر الملک نا ایڈوائس آ 6 بنجائی وزیر آتے مقرر کرینے ہراک سے شنبے نادے ایوان صدر اٹ تینا عہدہ غاتا سوغند ہرفیر، وزیراعظم نا کنڈآن 6بنجائی وزیر آتے قلمدان ہم تننگانے۔ عبداللہ حسین ہارون ءِ وزارت خارجہ امور، قومی سلامتی ڈویژن نا قلمدان تننگانے، اوڑتون وزارت دفاع ، وزارت دفاعی پیداوار نا ودکی چارج ہم مریک۔ محمد اعظم خان ءِ وزارت داخلہ کیپٹل ایڈمنسٹریشن اینڈ ڈویلپمنٹ (کیڈ) ڈویژن، وزارت انسداد منشیات ، نا قلمدان تننگانے و زارت الصوابی رابطہ نا ودکی قلمدان ہم اوڑتون مریک ۔ ڈاکٹر شمشاد اختر ءِ وزارت خزانہ ، محصولات و اقتصادی امور، وزارت شماریات، وزارت ڈٹ بندی و شونداری و اصلاحات نا قلمدان تننگانے وخت اس کہ وزارت واپار و ٹیکسٹائل ، وزارت صنعت وپیداوار نا ودکی چارج ہم اوڑتون مریک۔ سید علی ظفر ءِ وزارت کانود انصاف پارلیمانی امور، وزارت اطلاعات و نشریات ، قومی تاریخ و ادبی میرات نا قلمدان تننگانے۔ محمد یوسف شیخ ءِ وزارت بنجائی تعلیم و کسبی تربیت نا قلمدان تننگانے وزارت جان جوڑی ، خذمت، وزارت مذہبی امور بین العقیدہ ہم آہنگی نا ودکی چارج ہم اوڑتون مریک۔ مسز روشن خورشیدبروچہ ءِ وزارت انسانی حق ، وزارت امور کشمیر و گلگت بلتستان ، وزارت ریاستیں و سیمی امور نا قلمدان تننگانے۔
