پی ایس ڈی پی نا رداٹ نیشنل ہائی وے اتھارٹی نا شونداری کاریم تے کن داوخت اسکان 3کھرب 79 کروڑ روپئی نا فنڈ جاری

اسلام آباد۔ 05 جون (اے پی پی) وزارت ڈٹ بندی شونداری و اصلاحات سرکاری بشخ انا شونداری پروگرام تیٹی نیشنل ہائی وے اتھارٹی نا شونداری کاریم تے کن جم وڑاٹ داوخت اسکان 3کھرب 79 کروڑ روپئی آن زیات نا فنڈ جاری کننگانے۔ حکومت داڈویژن نا شونداری کاریم تے کن ہندا مالی سال اٹی 3کھرب 24ارب 72کروڑ روپئی آن زیات نا فنڈ جتا کرینے۔ پلاننگ کمیشن نا جاری کروک حساب وکتاب نا رداٹ حکومت سیالکوٹ پسرورروڈ انا جوڑ جاڑ کن 10 کروڑ، لاہور سیالکوٹ موٹروے لنک روڈ انا جوڑ جاڑ کن 50 کروڑ، این 5انا جوڑ جاڑ کن 5 ارب، پشاور نادرن بائی پاس اکن 2 ارب، لاہور عبدالحکیم موٹروے سیکشن نا جوڑ جاڑ کن 47 ارب،لاہور ایسٹرن بائی پاس نا جوڑ جاڑ کن 8 ارب، لواری ٹنل ءِ ملفوک آ روڈ انا جوڑ جاڑ کن 4 ارب 21 کروڑ، جگلوٹ سکردو روڈ انا جوڑ جاڑ کن 7 ارب، ڈیرہ غازی خان اٹی نادرن بائی پاس نا جوڑ جاڑ کن اسہ ارب، سیالکوٹ لاہور موٹروے نا جوڑ جاڑ کن 14 ارب 50 کروڑ روپئی تون اوار چندی شونداری ڈٹ آتا جوڑ جاڑ کن فنڈ جاری کرینے۔