اسلام آباد۔ 05جون (اے پی پی) علامہ اقبال اوپن یونیورسٹی فاٹا ٹی تعلیمی آسراتی تے اپ گریڈ کننگ کن گام گیج آتا بناءِ کرینے۔ دا گام گیج آتیٹی قطبی وزیرستان ایجنسی ، وانا ٹی رابطہ آفس نا جوڑ کننگ ہم اوار ءِ ہراڑآن ایب وکیب نا علاقہ ہرافتے ٹی ڈیرہ اسماعیل خان و ضلع ٹانک ہم اوار ءُ نا الس نا تعلیمی ضرورت آک پورو مریرہ۔ یونیورسٹی نا وائس چانسلر، پروفیسر ڈاکٹر شاہد صدیقی مر مر انگا و گوجالنگوک آ علاقہ غاتا الس ءِ مفت تعلیم فراوان کننگ کن کوشست و گام گیج کننگ ءِ۔ وانا ٹی یونیورسٹی نا رابطہ آفس نا جوڑ کننگ ہم دا گام گیج آتا بشخ ءُ۔ یونیورسٹی فاٹا و بلوچستان نا الس ءِ میٹرک نا مفت تعلیم فراوان کننگ ءِ۔ وانا نا آبادی کم وود شش ءُ نیم لکھ ءِ۔ ڈائریکٹوریٹ ریجنل سروس آتا رداٹ یونیورسٹی وانا ٹی سٹڈی سینٹرز و امتحانی بنجاتا آسراتی مست آن فراوان کننگ ءِ ۔ داسہ دا آسراتی تیٹی ودکی کرسا اسہ آخبت رابطہ دفتر اس جوڑ کننگ انگ ءِ ہراڑآن ہموجاگہ نا طالب علم آک تینا ویل آتے دمدستی وڑاٹ ایسر کرفنگ کیرہ۔
