اسلام آباد۔ 04جون (اے پی پی) قومی احتساب بیورو (نیب ) انا چیئرمین جناب جسٹس جاوید اقبال نا کماشی ٹی نیب ہیڈکوارٹر اٹی اسہ دیوان اس اڈ ہلک۔ دیوان اٹی نیب ہیڈ کوارٹر و نیب انا غٹ ریجنل بیورو تیٹی سرکاری ریکارڈ نا رکھ، آفیسر و کارندہ غاتا سیکورٹی پالیسی نا رداٹ سیکورٹی گام گیج آتا جاچ ءِ ہلنگا۔ چیئرمین نیب نیب انا انٹیلی جنس اینڈ ویجلنس سیل ءِ پارت کرے کہ نیب ہیڈ کوارٹر و نیب انا غٹ علاقائی دفتر آتیٹی سرکاری ریکارڈ نا رکھ ءِ ہر حال اٹ المی جوڑ کننگے و اہم ، حساس دستاویز آتا سیکریسی ءِ نئے بیرہ المی جوڑ کننگے بلکن نیب ہیڈ کوارٹر و نیب انا غٹ ریجنل بیورو تیٹی سرکاری ریکارڈ نا رکھ اکن نیب انا سرکاری ریکارڈ خاص کر اہم مقدمہ غاتا ریکارڈ ءِ ہر حال اٹ غیر تعلقدار بندغ آتا دوتیان بچفنگے۔ اونیب ہیڈ کوارٹر و نیب انا غٹ ریجنل بیورو تا آفیسر کارندہ غاتا سیکورٹی، سیکورٹی پالیسی نا رداٹ المی جوڑ کننگے۔ سیکورٹی پارت کرے کہ مبینہ خلاف ورزی کروک آ اسہ آفیسر نا برخلاف مست آن انکوائری جاری ءِ۔
