اسلام آباد۔ 04جون (اے پی پی) سینیٹ نا قائمہ کمیٹی داخلہ سفارش کرینے کہ حق رائے دہی نا اہمیت ءِ تالان کننگ کن السی کہول آ مہم اس چلیفنگے۔ دا چرجوئی ٹی وزارت اطلاعات و نشریات و پیمرا الیکشن کمیشن آف پاکستان تون پورو کمک کیر۔ قائمہ کمیٹی نا دیوان اٹی الیکشن کمیشن آف پاکستان ناتینا سرکاری و قومی زمواری تا ادائیگی نا چرجوئی ٹی کارکڑد آ پورو است جمی نا درشانی ءِ کننگا۔ دیوان اٹی فیصلہ کننگا کہ وونٹ آتا بابت السی شعور تالان کننگ کن پرنٹ و الیکٹرانک میڈیا ٹی مہم اس چلیفنگے و دا چرجوئی ٹی وزارت اطلاعات و نشریات و پیمرا الیکشن کمیشن تون پورو کمک کیر و دامہم اٹی الس ءِ گچین کاری و وونٹ انا اہمیت آن معلومدار کننگے و اوفتے ٹی ووٹر و وونٹ شاغنگ نا حق انا بارواٹ شعور بیدار کننگے۔ داکان بیدس لس گچین کاری تیٹی دھاندلی نا توننگ نا بارواٹ ہم الس اٹی شعور و آگاہی ودی کننگے۔
