اسلام آباد۔ 03جون (اے پی پی) ملک اٹی سیل و سوات نا مون آدننگ کن اسلام آباد و گلگت بلتستان تون اوار مچ آ ملک اٹی پوسکن و پوسکن آ سفری آسراتی تا فراوانی ءِ المی جوڑ کننگک۔ داہیت ءِ پاکستان ٹورازم کارپوریشن (پی ٹی ڈی سی) نا منیجنگ ڈائریکٹر چوہدری عبدالغفور اے پی پی تون ہیت وگپ اٹی پارے۔ اوپارے کہ سیل و سواتی تا پت ءِ جوڑ کننگانے، ملک اٹی امن و ایمنی نا حالیت آتے ٹی گچینی نا سوب لکھ آتا کچ اٹی سیل و سواتی ہرافتے ٹی درملکی ہم اوار ارے سیل وسواتی ہند آتا کنڈآ ہِننگ ءُ۔ اوپارے کہ سیل وسواتی تے زیات آن زیات آسراتی فراوان کننگ کن ہندی و درملکی زرکارآتون مذاکرات نا چرجوئی برجاءِ تانکہ پبلک پرائیویٹ پارٹنر شپ انا رداٹ ہنکین و بنداوی ڈھانچہ نا آسراتی ءِ ممکن جوڑ کننگ مرے۔ چیئرمین پی ٹی ڈی سی پارے کہ سیل و سوات نا بشخ اکن تربیتی پروگرام نا بنا و آزموندہ کار بندغی واک ءِ اتنگ کن گام گیج کننگک۔
