اسلام آباد۔ 03 جون (اے پی پی) قومی احتسا ب بیورو نا چیئرمین جسٹس (ر) جاوید اقبال پارینے کہ نیب اسہ آئینی ءُ ادارہ اسے ہرانا آفیسر آک کانود و قواعد نا رداٹ تینا فرض ءِ پورو کننگ ءُ، 10 اکتوبر 2017 ء آ تینا منصب نا زمواری تے سنبھالنگ آن پد نیب انا کارکڑد ءِ پین گچین جوڑ کننگ کن زوراکی و سفارش ءِ خاطر اٹ اتپرسا خلوص و نیک نیتی اتون نیب اٹی ہراڑے بیرہ کاریم وکاریم نا کلچر ءِ مون آ درے ہموڑے نیب آفیسر آک/کارندہ غاتے تینا کاریم نا رفتار ءِ چیئرمین نیب انا کاریم نا رفتار نا رداٹ ودفنگ نا پارت کرے تانکہ پاکستان آن وڈی خوری نا چٹفنگ کن عملی گام گیج چست کننگے۔ نیب انا کنڈآن جاری پریس ریلیز نا رداٹ چیئرمین نیب انا عملی کوشست و احتساب ’’غٹ اکن‘‘ نا پالیسی نارداٹ داوخت اسکان چنکو وخت اسے ٹی نیب 10 اکتوبر 2017 آن پد 300 بندغ ءِ دزگیر کرینے وخت اس کہ 71 غاوتا جانچ پڑتال ، 44 انکوائریاں ، 34انوسٹی گیشن آتا کانود، میرٹ و شاہدی تے مون آ تخسا منظوری تس ہرافتیا کانود نا رداٹ کاریم برجاءِ ۔ نیب چنکو وخت اسے ٹی وڈی خوری نا 240 ریفرنس تعلقدار احتساب عدالت آتیٹی نئے بیرہ دائر کرے بلکن 35 دوبہ دار آتے تعلقدار شرفدار احتسا ب عدالت آک کانود نا رداٹ سزاتسر ہراکہ نیب انا چنکو وخت اسے ٹی شاندار کارکڑد نا عکاسی ءِ کیک۔ چیئرمین نیب پارے کہ نن غٹ اواری اٹ تینا زیبا غا وطن پاکستان ءِ وڈی خوری آن پاک کننگ اٹ سرسہب مرینہ ۔
