اسلام آباد۔ 03جون (اے پی پی) برطانیہ نا دارالحکومت لندن اٹی اڈ ہلوک آ لندن انٹرنیشنل یوتھ سائنس فورم اٹی بشخ ہلنگ کن 148 طالب علم تینا درخواست آتے جمع کرفینو۔ دافورم 25 جولائی آن 8 اگست اسکان امپرئیل کالج لندن اٹی برجاسلک۔ قواعد نا رداٹ 23جنوری 1995و 6 فروری 2001 نا نیام اٹ ودی مروک آ طالب علم آک ہراک ہائیر سیکنڈری اسکول سرٹیفکیٹ یا اونا بریبر تعلیم فرسٹ ڈویژن اٹی پورو کرور، فورم اٹی بشخ ہلنگ کیرہ۔ پاکستان سائنس فاؤنڈیشن نا اسہ زالبول عہدیدار اس پارینے کہ داوخت اسکان فورم اٹی بشخ ہلنگ کن 148 طالب علم نن تون رابطہ کرینو۔ اوپارے کہ درخواست آتے جمع کرفنگ نا آخریکو تاریخ 19 مارچ تخنگاسس۔ اوپارے کہ پنجاپ آن 70 ، سندھ آن 30، خیبر پختونخوا آن 27، بلوچستان آن 9 ، بنجائی دارالحکومت آن 6 ، آزاد جموں و کشمیر آن 5 وخت اس کہ گلگت بلتستان آن اسہ طالب علم اس رابطہ کرینے۔ اوپارے کہ قواعد و ضوابط نا رداٹ دافتیان 114طالب علم ءِ شارٹ لسٹ کننگانے و اوفتا انٹرویو جاری ءِ۔
