اسلام آباد۔ 03جون (اے پی پی) ہندا مالی سال اٹی سوئی نادرن و سوئی سدرن گیس پیپ لینز کمپنیک تینا تینا علاقہ غاتیٹی 231 خلق و قصبہ غاتے گیس تسنو۔ سرکاری ذرائع اے پی پی ءِ پارے کہ ہڑتوم آ کمپنیک ہنداوخت اٹی 328کلومیٹر مریس گیس ترسیلی نیٹ ورک ، 8661کلومیٹر ڈسٹری بیوشن و 1216کلومیٹر مریس سروس لائنز آتا جوڑ جاڑ ءِ پورو کرینو۔ ذرائع پارے کہ ہڑتوم آ کمپنیک ترسیلی ڈٹ آتیا 1351ملین، بشخ وپانٹ کاری ڈٹ آتیا 10202ملین و ایلو ڈٹ آتیا 11198 ملین روپئی نا زرکاری کرینو۔ ذرائع نا رداٹ داوخت اٹی جم وڑاٹ 4لکھ 28 ہزار 282 گیس کنکشن تننگا ہرافتے ٹی 4لکھ 26ہزار 721 اُرائی، 1519 کمرشل و 42 صنعتی کنکشن اوار ءُ۔ گدرینگوک آ ہڑتوم آ کمپنیک 6129 کلومیٹر ترسیلی نیٹ ورک نا جوڑ جاڑ ءِ کریسر و 104 خلق و قصبہ غاتے گیس انا فراوانی عمل اٹ اتننگاسس۔
