اسلام آباد۔ 03جون (اے پی پی) پاکستان تون اوار مچ آ دنیا ٹی 45می جہانی یوم ماحولیات 5 جون 2018 ء آ اڈتننگک۔ اقوام متحدہ 1974ء ٹی اولیکو وار دا دے ءِ اڈتننگ نا فیصلہ کریسس اوکان گڈ ہر سال دادے ءِ جہانی کہول آ اڈتننگک ہرانا بنداوی مسخت ماحولیات نا بشخ انا رکھ ءِ۔ ہندا سال دادے انا سرحال ءِ پلاسٹک نا آلودگی ءِ شکست ایتبو گچین کننگانے۔ جہانی یوم ماحولیات نا وخت آ مچ آ ملک اٹی چندی سرکاری ، غیر سرکاری ، نجی وغیر منافع بخش ادارہ غاتا کنڈآن چندی دود آتے اڈتننگک تانکہ ماحولیات نا بشخ انا رکھ انا بابت الس اٹی شعور تالان کننگ مرے۔
