کراچی۔ 02جون (اے پی پی) گورنر ہاؤس اٹی اڈہلوک آ دود اٹی گورنر سندھ محمدزبیر فضل الرحمان آن سندھ انا نگران وزیراعلیٰ نا عہدہ نا سوغند ہلک۔ دود انا نظامت نا فرض ءِ چیف سیکرٹری سندھ محمد رضوان میمن انجام تس۔ دود اٹی دزکش مروک آ وزیراعلیٰ سید مراد علی شاہ، اسپیکر سندھ اسمبلی آغا سراج درانی ، ڈپٹی اسپیکر سندھ اسمبلی شہلارضا، میئر کراچی وسیم اختر، صوبائی وزیرآک نثار کھوڑو، ناصر حسین شاہ، سعید غنی، شمیم ممتاز، سینیٹر سلیم ضیاء ، ڈائریکٹر جنرل رینجرز میجر جنرل محمد سعید ، صوبائی محتسب اسد اشرف ملک، صوبائی سیکرٹریز ، آئی جی سندھ اے ڈی خواجہ و شارانا سرکڑدہ غاک شرکت کریر۔ سوغندی دود آن پد فضل الرحمان دود انا ساڑی مروک آتون اسٹ اسٹ آ اوڑدہی ہم کرے۔
