مظفرآباد۔ 02جون (اے پی پی) وزیراعظم آزاد کشمیر راجہ فاروق حیدرخان صدر آزاد جموں و کشمیر سردار مسعودخان تون ایوان صدر مظفرآباد اٹی اوڑدہی کرے و آزاد جموں وکشمیر نا عبوری ایکٹ 1974ٹی سرسہبی اتون سینزدہ می ترمیم کننگ آ اسہ ایلو ءِ مبارکبادی تسر۔ داوخت آ صدرآزاد جموں و کشمیر پارے کہ داترمیم نا کمک اٹ کشمیر کونسل نا غٹ انتظامی، مالی و کانود سازی نا واک آک آزاد جموں و کشمیر حکومت و اسمبلی ءِ منتقل مسنو و آزاد کشمیر حکومت زیات بااختیار و سوگو مسنے۔ داڑآن آزاد جموں و کشمیر نا تہٹی جوڑ جاڑ و شونداری، گڈ گورننس و خلقت نا شونہالی نا دور مریک و آزاد حکومت تعلیم، جان جوڑی، کشت وکشار، ٹورازم ، مواصلات ، توانائی و ایلو صنعت و حرفت نا بشخ آتیا خصوصی چکار کرسا آزا دکشمیر اٹی اسہ پوسکن ءُ دور اسے نا بناءِ کیک۔ صدر سردار مسعود خان آزاد کشمیر نا غٹ سیاسی جماعت آتیان خواست کرے کہ او تینا صف آتیٹی پورو سیوت و سخا نا درشانی ءِ کرسا آزاد کشمیر نا خلقت نا جوڑ جاڑ و شونداری و شونہالی کن اواری اٹ کاریم کیر۔
