اسلام آباد۔ 02جون (اے پی پی) مسکوہی چیئرمین سینیٹ میاں رضا ربانی ساڑی آ حالیت آتیا گڑتی نا درشانی ءِ کرسا پارے کہ بنجاء جمہوری عمل نا پین نزوری ءِ سگنگ کپک، عدالیہ گچین کاری معاملہ غاتیان تعلقدار کیس آتیٹی چیف جسٹس نا بیان ءِ مون آ تخر، گچین کاریک بروخت متوس تو صدر مملکت نا گچین کاری تا شیڈول ہم زہمی مریک۔ بنجاجمہوری عمل نا پین نزوری ءِ سگنگ کپک۔ ہفتہ نا دے تینا جاری بیان اٹی اوپارے کہ گچین کاری تا بروخت اڈتننگ اٹ بے سہبی بنجاکن نسخان اس مریک۔ گچین کاری تا بابت بے یخینی نا حالیت ودی مننگ ءِ ، اوپارے کہ صدر مملکت نا مدستمبر نا اولیکو ہفتہ ٹی پورو مننگ ءِ ، اگہ گچین کاریک بروخت متوس تو صدر نا گچین کاری تا شیڈول ہم زہمی مریک۔ اوپارے کہ داوخت بیرہ سینیٹ ہی گچین نمائندہ غاتا ایوان ءِ، دالحاظ اٹ ایوان بالا نا کوپہ غاتیا بھلو زمواری اس بیٹ مریک۔ سینیٹ نا دیوان ءِ دمدستی بٹنگ انگے ہرا 25جولائی اسکان برجاسلے۔ سینیٹ دیوان اٹی ملک اٹی لس گچین کاری تا بروخت و شفاف اڈتننگ ءِ المی جوڑ کننگے۔
