اسلام آباد۔یکم جون (اے پی پی ) سرپانک مزن وزیر جسٹس (ر) ناصرالملک ءَ سرپانک مزن وزیر ءِ عہدگ ءِ سوگند چست کتگ۔ اے ھوالگءَ جمعہ ءِ روچءَ ایوان صدر ءَ سوگند چست کنگءِ مراگش برجم دارگ بوتگ۔ ملک ءِ صدر ممنون حسین ءَ سرپانک مزن وزیر جسٹس (ر) ناصرالملک ءَ چہ سوگند زُرتگ۔ مراگشءِ تہا پیسرگیں مزن وزیر شاہد خاقان عباسی ءَ ابید چیئرمین سینیٹ صادق سنجرانی ، گورنرز، پیسرگیں وزیر ءُ سئیں سلاھ بندیں فوجانی سروک ھم ساڑی بوتگ اَنت۔
