چیئرمین سینٹ ءِ پاکستانءُ ایران ءِ دونیمگی نزیکی ءَ را گیش کنگءِ ھاترءَ مزن گسی ، بیپاری ءُ اقتصادی پڑآنی تہا کمک ءِ ارزشتءِ سرءَ زور پِرداتگ
اسلام آباد۔یکم جون (اے پی پی) چیئرمین سینٹ محمد صادق سنجرانی ءَ پاکستان ءُ ایران ءِ نیامءَ دونیگمی نزیکی ءَ را گیش کنگءِ ھاترءَ مزن گسی، بیپاری ءُ اقتصادی پڑآنی تہا کمک ءِ ارزشت ءِ سرءَ زور پِر داتگ ءُ گشتگ کہ پاکستانءُ ایران اُلس ءِ دیمروئی ءُ خطہ ءِ وشھالی ءِ ھاترءَ کوشست کنگءَ اَنت۔ آئیءَ گشتگ کہ دوھیں ملک آنی نیامءَ راج دپتری سیادی ءِ بنیادمذہبی ، ثقافتی ءُ سماجی ھم رنگی ءِ بنیاتءَ ایر کنگ بوتگ اَنت کہ وھد ءِ گوما گیش بوتگ اَنت۔ چیئرمین سینٹ محمد صادق سنجرانی ءَ اے ھیالانی درشانی جمعہ ءِ روچءَ مزن گسءَ ایران ءِ سفیر مہدی ہنر دوستءِ گوما گندءُ نندءِ تہا کتگ۔ چیئرمین سینیٹ ءَ گشتگ کہ پاکستان ایرانءِ گوما وتی دو نیمگی سیادی ءَ را باز ا رزشت دنت ءُ اے سیادی ءَ را مزن گسی نزیکی ءِ وسیلگءَ گیش کنگءِ ھاترءَ بازیں موھے اَست اِنت۔
