اسلام آباد۔یکم جون (اے پی پی) مسلم لیگ(ن) سینیٹر مشاہد اللہ خان سینیٹ ءِ جوڈ کتگیں کمیٹی برائے ایوی ایشن ڈویژن ءِ بے مقابلہ چیئرمین گچین بوتگ۔ جمعہ ءِ روچءَ کمیٹی ءِ دیوان ءَ سینیٹر حاصل بزنجو ءَ چیئرمین ءِ ارزشت ءَ مشاہد اللہ خانءِ تائید ءُ تجویز کتگ۔ کمیٹی ءِ درایں باسکاں مشاہد اللہ خانءَ را چیئرمین گچین کتگ۔ چیئرمین گچین بوھگءَ پد مشاہد اللہ خانءَ باسکانی شگرءُ منت گپتگ ءُ گشتگ کہ آ کمیٹی ءِ پیسلہ آنی تہا دراھیں باسکانی اوستءَ زوریت۔ آئیءَ گشتگ کہ ھاسیں ادارگانی تہا جوانی آرگءِ گنجائش اَست۔ کمیٹی ایشی ءِ ھاترءَ وتی کردءَ پیلو بہ کنت۔ آئیءَ گشتگ کہ ایوی ایشن ءِ جوڈ کتگیں کمیٹی زوت نوکیں اسلام آباد بالی پڑءِ ترءُ تابءَ کنت۔
