اسلام آباد۔ 01جون (اے پی پی) الیکشن کمیشن قومی و صوبائی اسمبلی تیٹی زالبول کن جتا کروک 199 و اقلیت آتے کن جتا کروک 33نشست آتیا سیاسی جماعت آتیان 6جون اسکان اولیتی فہرست آتے بٹنگانے۔ الیکشن کمیشن نا کنڈآن جاری سرجم احوال آتارداٹ الیکشن کمیشن غٹ سیاسی جماعت آتون پارینے کہ او گچین کاری کانود 2017 ء نا رداٹ بروک آ لس گچین کاری تیٹی قومی و صوبائی اسمبلی تیٹی زالبول و اقلیت آتے کن جتا کروک نشست آتیا تینا اومیت دار آتا اولیتی فہرست ءِ تعلقدار صوبائی الیکشن کمشنر تون جمع کرفر۔ قومی اسمبلی ٹی پنجاپ آن زالبول آتے کن 33 نشست جتا ءُ، سندھ آن 14، بلوچستان آن 4و خیبر پختونخواہ آن 9 نشست جتا ءُ وخت اس کہ قومی اسمبلی ٹی غیر مسلم آتے کن 10 نشست جتا کننگانے۔ پنجاپ اسمبلی کن زالبول نا خاص انگا نشست آتا کچ 66 وخت اس کہ غیر مسلم آتا کچ 8 ءِ۔ صوبہ سندھ اٹی زالبول نا مخصوص نشست آتا کچ 29 وخت اس کہ غیر مسلم آتا 9 نشست جتا ءُ۔ خیبر پختونخوا اسمبلی ٹی زالبول کن 33 وخت اس کہ غیر مسلم آتے کن 3 نشست جتا ءُ۔ بلوچستان اسمبلی ٹی زالبول آتا 11 و غیر مسلم آتا 3 نشست ءُ ہرافتیا اومیت دار آتا اولیتی فہرست جمع کرفنگ کن آخریکو تاریخ 6جون ءِ۔ قومی اسمبلی کن غیر مسلم آتا 10 مخصوص نشست آتے کن اولیتی فہرست ایڈیشنل ڈائریکٹر الیکشن کمیشن آف پاکستان اسلام آباد سیکرٹریٹ تون جمع کرفنگے۔
