جمہوریت نا سفر مون آ ہِننگ ءِ ، اِراجمہوری حکومت آتا تینا مد ءِ پورو کننگ بھلو سرسہبی اسے، ڈپٹی چیئرمین سینیٹ سلیم مانڈوی والا نا بیان

اسلام آباد۔ 01جون (اے پی پی) سینیٹ نا ڈپٹی چیئرمین سلیم مانڈوی والا پارینے کہ پاکستان اٹی جمہوریت نا سفر مون آ ہِننگ ءِ ، اِرا جمہوری حکومت آتا تینا مد ءِ پورو کننگ بھلو سرسہبی اسے، جمہوریت ہی پاکستان نا آخبت ءِ ۔ جمعہ نادے تینا بیان اٹی ڈپٹی اسپیکر سلیم مانڈوی والا پارے کہ غٹ سیاسی جماعت آتے جمہوری حکومت نا مد پورو مننگ آ مبارکباد پیش کیوہ، سیاسی جماعت آک جمہوری نظام آن بھاز گڑا ہیل کننگ ءُ۔ اوپارے کہ وخت اتون اوار اوار جمہوری نظام سوگو مریک۔ جمہوریت الس نا سلاہ نا شرف نا پن ءِ۔ سلیم مانڈوی والا پارے کہ سیاسی جماعت آتے السی فیصلہ غاتا بایدے شرف ءِ کروئی مرے۔ اواومیت ظاہر کرے کہ پاکستان اٹی جمہوری نظام سرسہبی اتون مون آ کاہک۔