اسلام آباد۔ 01جون (اے پی پی) مسکوہی وزیراعظم محمد نواز شریف 4جون آ گولڑہ ٹی خداداد ہائٹس آ ورکرز کنونشن آن تران کیک۔ دابابت مسکوہی باسک قومی اسمبلی انجم عقیل خان ورکرآتے ورکرز کنونشن اٹ بشخ ہلنگ ءِ المی جوڑ کننگ کن کوآرڈینیٹر خواجہ افتخار ءِ ٹاسک تسنے۔ یات سلے کہ 2013 ء نا ضمنی گچین کاری تیٹی مسکوہی باسک قومی اسمبلی انجم عقیل خان ءِ ٹکٹ تفننگ نا سوب سرکڑدہ غاتیان گلہ و شکوہ ئس ولے مسکوہی وزیراعظم 2013ء نا ضمنی گچین کاری تے مون آ تخسا انجم عقیل ءِ حلقہ این اے 54آن ٹکٹ تننگ نا فیصلہ کرینے ہرانا باقاعدہ پڑو ءِ ورکرز کنونشن اٹ کننگک۔ ورکرز کنونشن آن مسکوہی وزیراعظم نا مسڑ مریم نواز ہم تران کیک۔
