اسلام آباد۔ 01جون (اے پی پی) محکمہ موسمیات نا رداٹ بروک آ 4آن 5دے اٹی ملک انا گیشتر علاقہ غاک سخت باسنی نا پلویڑ اٹ مریرہ۔ پنجاپ نا نیم مشی علاقہ، خیبر پختونخوا و کشمیر اٹی درجہ حرارت 40 ڈگری سینٹی گریڈ آن زیات وخت اس کہ سندھ اٹی ، سویلی و نیامی پنجاپ و دے ٹکی بلوچستان اٹی درجہ حرارت 50 ڈگری سینٹی گریڈ اسکان ودنگ نا گمان ءِ۔ رپورٹ نار داٹ جمعہ نادے سمندری تہوتا چلینگ انگ نا سوب کراچی نا درجہ حرارت 35آن 37 ڈگری سینٹی گریڈ اسکان کم مس۔ بروک آ 24گھنٹہ ٹی ملک انا گیشتر علاقہ غاتیٹی موسم بھاز باسن و پِرکپک ولے گلگت بلتستان اتی اسہ اِرا ہند آتیا ہلکا پِر انا گمان ءِ۔ گدرینگوک آ 24گھنٹہ ٹی ملک انا گیشتر علاقہ غاتیٹی موسم باسن و پِرکتو وخت اس کہ بڑزکو سندھ ، مکران ، سبی ڈویژن اٹی بھاز باسنی مس ولے گوپس اٹی اسہ ملی میٹر پِر ریکارڈ کننگانے۔
