اسلام آباد۔ 31مئی (اے پی پی) وزیراعظم شاہد خاقان عباسی ملک اٹی امن نا بحالی ٹی پاک فوج انا قربانی و خذمت آتا ستاءِ کرینے۔ اوداہیت ءِ پنچ شنبے نادے داڑے کمانڈ اینڈ اسٹاف کالج کوئٹہ ٹی زیر تربیت آفیسر و فیکلٹی باسک آتیان تران کرسا پارے۔ چیف آف آرمی اسٹاف جنرل قمر جاوید باجوہ ہم اوڑتون اوار ئس۔ اوپارے کہ پاکستان اٹی بھاز زیات لائخی ارے و قومی ہم گرنچی نا کمک اٹ نن ہر چیلنج ءِ شکست تننگ کینہ۔ وزیراعظم مداٹی پاکستان نا شونداری ، مون تروک چیلنج و مون آ ہِننگ نا کسر تا بارواٹ خیال آتا درشانی ءِ کرے۔
