اسلام آباد۔ 31مئی (اے پی پی) وزیر داخلہ احسن اقبال جدید ماڈل پولیس سروس سینٹر نا بناءِ کرسا پارینے کہ پولیس اسٹیشن تے پوسکن آ وڑوڈول آتیا کننگ ءِ وخت اس کہ سیفٹی پروجیکٹ آ کاریم برجاءِ ہراٹی پولیس نا اہم ءُ کڑد اسے۔ اوداہیتءِ پنچ شنبے نادے داڑے ماڈل پولیس سینٹر نا بناءِ کننگ نا وخت آ میڈیا تون ہیت وگپ کرسا پارے۔ وزیر داخلہ احسن اقبال پارے کہ بروک فیز اٹ پولیس اسٹیشن جدید بنداو تیا جوڑ مننگ ءِ۔ سیف سٹی پروجیکٹ آ کاریم برجاءِ ، ہراٹی پولیس نا اہم ءُ کڑد اسے۔ دنگا پھسات تون مون تننگ کن 1000 ورناتیا تالان اینٹی ریاٹ پولیس نا ڈٹ آ کاریم برجاءِ۔ اوپارے کہ 1000 بندغ آتیا تالان اینٹی ٹیرورزم فورس کاریم کننگ ءِ۔ پولیس نا گاڈی تے سمارٹ گاڈی تیٹی بدل کننگ انگ ءِ ، انسپکٹر لیول نا بندغ آتا تربیتی کورس درستی راستی کرفنگانے۔ اوپارے کہ ملک انا سیکورٹی حالیت گچین ءِ ۔ مستین نا مقابلہ ٹی گچین ءُ پاکستان اس قوم ءِ ترسا ہِننگ اُن ۔ اوتینا حکومت نا سرسہبی تا ذکر ءِ کرسا پارے کہ لوڈشیڈنگ ، دہشت گردی و ایلو ویل آتا مون ءِ تورینے۔ راج اٹی خار اتون اوار منفی رویہ غاتیا اواری اٹ مون ءِ توروئی ءِ۔
