تاریخ اس نوشتہ
قبائلی علاقہ خیبر پختونخوا نا بشخ جوڑ مس
فاٹا نا شونداری و شونہالی نا درگہ غاک ملنگار، ضم کننگ آن ڈیہہ ٹی سوگوی ودی مریک،
صدر مملکت ممنون حسین
اسلام آباد۔ 31 مئی (اے پی پی) صدر مملکت ممنون حسین 25 می آئینی ترمیم آ دستخط کرینے، صدر مملکت نا دستخط آن پد قبائلی علاقہ جات خیبر پختونخوانا بشخ جوڑ مس۔ صدر مملکت فاٹا نا ضم کننگ آ مسکوہی قبائلی الس ءِ مبارکباد ترسا پارے کہ مسکوہی قبائلی الس ءِ پاکستان نا ایلو شارتیامبار آئینی حق دوئی مس، ضم کننگ آن پد فاٹا نا شونداری و شونہالی نا درگہ غاک ملنگار ۔ اوپارے کہ فاٹا نا ضم کننگ آن ڈیہہ ٹی سوگوی ودی مریک ، داوخت آ ڈپٹی چیئرمین پلاننگ کمیشن سرتاج عزیز پارے کہ سابقہ ایجنسیک ضلع غاتے ٹی بدل مسر۔ اوپارے کہ اسسٹنٹ پولیٹیکل ایجنٹس داسہ ڈپٹی کمشنر پاننگک۔ سرتاج عزیز پارے کہ پوسکن آ ضلع غاتیٹی پوسکن ءُ آسراتی تننگ کن اسہ ہزار ارب روپئی خڑچ کننگک ، آئینی ترمیم آ دستخط نا دود اٹی گورنر خیبر پختونخوا اقبال ظفر جھگڑا، ڈپٹی چیئرمین پلاننگ کمیشن سرتاج عزیز ، وزیراعظم نا خصوصی کمکار بیرسٹر ظفراللہ خان و قومی سلامتی سلاہکار لیفٹیننٹ جنرل (ر) ناصر جنجوعہ بشخ ہلکر۔
