اسلام آباد۔ 31 مئی (اے پی پی) چینی چاہندار آک پارینو کہ چین پاکستان اقتصادی راہداری (سی پیک) نار داٹ جوڑجاڑی سرجز آک اومیت آتیان زیات ترندی اٹ برجاءُ۔ چین نا رینمن یونیورسٹی ٹی چونگ یانگ انسٹی ٹیوٹ فار فنانشل اسٹیڈیزنا اسہ سینئر ءُ پولکار اس رانگ ژو گلوبل ٹائم ءِ اسہ انٹرویو اسے ٹی پارے کہ چین پاکستان اقتصادی راہداری ڈٹ انا آخبت نا دارومدار پاکستان اٹی سیاسی سوگوی آٹی ءِ۔ اوپارے کہ اقتصادی راہداری ڈٹ انا پوروی آن بنداوی ڈھانچہ و کاروباری سرجزآتے مون آدننگ دوئی مریک۔ رانگ ژو پارے کہ پاکستان اٹی موٹروے آن بیدس بجلی گھر کون آ ایلو ڈٹ آتا بھرم آک الس ءِ منتقل مننگ بناکرینو۔ رینمن یونیورسٹی ٹی انسٹی ٹیوٹ جہانی امور نا ڈائریکٹر ژوی وینگ پارینے کہ چین پاکستان اقتصادی راہداری ڈٹ ویل آتا باوجود علاقائی شونداری و سوگوی نا اسہ مثال اسے۔
