اسلام آباد۔ 31 مئی (اے پی پی) وزارت ڈٹ بندی و شونداری پلاننگ کمیشن نا شونداری کاریم تے کن جم وڑاٹ داوخت اسکان 2 ارب 10 کروڑ 16لکھ روپئی آن زیات نا فنڈ جاری کرینے، حکومت داڈویژن نا شونداری کاریم تے کن 8 ارب 55کروڑ 64لکھ روپئی آن زیات نا فنڈ جتا کرینے۔ پلاننگ کمیشن نا جاری کروک حساب وکتاب نا رداٹ حکومت چین پاکستان اقتصادی راہداری سپورٹ پروجیکٹ اکن 5کروڑ 15لکھ، سی پیک ایکسیلینس سینٹر کن 14کروڑ 55لکھ، ڈویلپمنٹ کمیونیکیشن پروجیکٹ اکن 13کروڑ 54لکھ، پلاننگ کمیشن اٹی سوشل انٹر پرینیور شپ سینٹر نا جوڑ کننگ کن 40 لکھ، نیشنل انڈوومنٹ فنڈ اسکالر شپ اکن اسہ ارب، جاوید اظفر کمپیوٹر سینٹر نا اپ گریڈیشن کن 11 کروڑ 87 لکھ، ینگ ڈویلپمنٹ فیلو پروگرام کن 2 کروڑ 33لکھ، پی پی ایم آئی سینٹر آف ایکسیلینس اکن 7 کروڑ روپئی تون اوار چندی شونداری ڈٹ آتے کن فنڈ جاری کرینے۔
