اسلام آباد۔ 31 مئی (اے پی پی) محکمہ موسمیات نا رداٹ بروک آ4آن 5 دے اٹی ملک انا گیشتر علاقہ غاک سخت باسنی نا پلویڑاٹ مریرہ و پنجاپ نا نیم مشی آ علاقہ، خیبر پختونخوا و کشمیر اٹی درجہ حرارت 40 ڈگری سینٹی گریڈ آن زیات وخت اس کہ سندھ اٹی ، سویلی و نیامی پنجاپ و دے ٹکی بلوچستان اٹی درجہ حرارت 50 ڈگری گریڈ اسکان ودنگ نا گمان ءِ۔ محکمہ موسمیات نا رپورٹ نا رداٹ (اینو) جمعہ آن سمندری تہو تا چلینگ انگ نا سوب کراچی نا درجہ حرارت 35آن 37 ڈگری سینٹی گریڈ اسکان کم مننگ نا گمان ءِ۔ رپورٹ نا رداٹ بروک آ 24گھنٹہ ٹی ملک انا گیشتر علاقہ غاتیٹی موسم باسن و بارُن وخت اس کہ سندھ ، پنجاپ ، ڈیرہ اسماعیل خان ، سبی و مکران ڈویژن اٹی بھاز باسنی مس ہراڑے درجہ حرارت 49 ، نور پور تھل، روہڑی ، لسبیلا، تربت48، پڈ عیدن 47، ٹھٹھہ ، ٹی 46 ڈگری سینٹی گریڈ ریکارڈ کننگا۔
