اسلام آباد۔ 31مئی (اے پی پی) اسپیکر قومی اسمبلی سردارایاز صادق نا کنڈآن قومی اسمبلی نا باسک آتے صفتی سند تننگا وخت اس کہ اسپیکر قومی اسمبلی باسک آتے پارت کرے کہ او دا سند آتے تینا اُراتیٹی خلیر۔ پننچ شنبے نادے قومی اسمبلی نا سپاروکی دیوان اٹی اسپیکر قومی اسمبلی سردار ایاز صادق پارے کہ باسک آک داایوان اٹ ہراکڑد ءِ ادا کرینو اوڑآ اوفتے کنا کنڈآن تحسینی و صفتی سند تننگ انگ ءِ۔ دااوفتا خذمت آتا امنا کننگ ءِ۔ داسند آتے فریم اٹ کرسا تننگانے ہنداخاطرآن اوفتے اُراتے ٹی خلیر۔ داکان بیدس ایوان اٹ ساڑی پارلیمانی لیڈر آتے کن ہم تحسینی شیلڈز جوڑ کرفینے ہرااوفتا خذمت آتا امنائی ءِ۔
